ក្រុមហ៊ុន Instagram កំពុងតែសាកល្បងទៅលើមុខងារអូសមើល Stories តាមបែបបញ្ឈរ
ក្រុមហ៊ុន Instagram ដែលស្ថិតនៅក្រោមការគ្រប់គ្រងរបស់ក្រុមហ៊ុន Meta កំពុងតែសាកល្បងទៅលើមុខងារថ្មីមួយ ដែលអនុញ្ញាតឱ្យអ្នកប្រើប្រាស់អាចអូសមើល Stories តាមបែបបញ្ឈរបាន។ មុខងារនេះបានដាក់ឱ្យសាកល្បងនៅក្នុងប្រទេសទួរគី និងប្រេសុីល ដែលវានឹងភ្ជាប់មកនៅក្នុងមុខងារ Reels របស់កម្មវិធី Instagram ដែលមានស្រាប់។
ក្រុមហ៊ុន Instagram បាននិយាយថា ពួកគេបានសិក្សាទៅលើមុខងារអូស Stories តាមបែបបញ្ឈរនេះចាប់តាំងពីខែកុម្ភៈ ឆ្នាំ២០២១ មកម្ល៉េះ។ រហូតមកដល់ពេលនេះ ពួកគេអាចដាក់ឱ្យដំណើរការមុខងារនេះបាននៅក្នុងប្រទេសចំនួនពីរហើយ។
មុខងារនេះ នឹងអនុញ្ញាតឱ្យអ្នកអាចធ្វើការអូសពី Story មួយទៅ Story មួយទៀតបានតាមបែបបញ្ឈរ ដែលក្រុមហ៊ុន Instagram ហៅថា “Vertically Scrolling Stories”។ មួយរយៈចុងក្រោយនេះ ក្រុមហ៊ុន Instagram ហាក់បីដូចជាព្យាយាមនាំយកមុខងារដែលមាននៅក្នុងកម្មវិធី TikTok មកបំពាក់នៅក្នុងកម្មវិធីរបស់ខ្លួន តួយ៉ាងដូចជាមុខងារ Reels ជាដើម (ចុចលើតំណភ្ជាប់មួយនេះ ដើម្បីអានអត្ថបទទាក់ទង)។
យើងមិនទាន់អាចដឹងបានទេថា ក្រុមហ៊ុន Instagram នឹងដាក់ដំណើរការមុខងារនេះសម្រាប់អ្នកប្រើប្រាស់នៅបណ្តាប្រទេសផ្សេងទៀត ឬក៏អត់នោះទេ ប៉ុន្តែបើយោងតាមទម្លាប់របស់ក្រុមហ៊ុន Instagram ពួកគេអាចនឹងបញ្ចេញមុខងារនេះសម្រាប់អ្នកប្រើប្រាស់ជាសកលនៅពេលដែលមុខងារនេះអាចដំណើរការបានទៅដោយរលូន៕
ប្រភព÷ GSMArena
Post a Comment