ក្រុមហ៊ុន Logitech និងក្រុមហ៊ុន Tencent កំពុងបង្កើតដៃហ្គេម Cloud Gaming

ក្រុមហ៊ុន Logitech និងក្រុមហ៊ុន Tencent បានធ្វើការប្រកាសថា ពួកគេកំពុងធ្វើការលើការបង្កើតដៃហ្គេម Cloud ចល័ត។ ក្រុមហ៊ុនទាំងពីរ បានច្របាច់បញ្ចូលគ្នាជាមួយគ្រឿង Hardware របស់ម៉ាក Logitech G ជាមួយនឹងសមត្ថភាព Software របស់ក្រុមហ៊ុន Tencent។

ឧបករណ៍ដៃហ្គេមសម្រាប់លេងហ្គេមប្រភេទ Cloud Gaming ដែលកំពុងតែបង្កើតឡើងដោយក្រុមហ៊ុនទាំងពីរនេះ ត្រូវបានគេហៅជាបណ្តោះអាសន្នថា Logitech G Gaming Handheld។

ក្រុមហ៊ុន Logitech បាននិយាយថា ឧបករណ៍ហ្គេមនេះនឹងមកដល់នៅចុងឆ្នាំនេះ ជាមួយនឹងសមត្ថភាពដែលអាចគាំទ្រសេវាកម្ម Cloud Gaming ជាច្រើន។ ក្រុមហ៊ុន Tencent និងក្រុមហ៊ុន Logitech កំពុងធ្វើការជាមួយក្រុមហ៊ុន Microsoft ដែលគ្រប់គ្រងលើសេវាកម្ម Xbox Cloud Gaming និងក្រុមហ៊ុន Nvidia ដែលគ្រប់គ្រងលើសេវាកម្មហ្គេម GeForce Now។

We are delighted to partner with Logitech G to bring a cloud gaming handheld to market later this year that will combine Logitech G’s expertise in hardware with Tencent Games’ expertise in software services. https://t.co/KfcC3US5xa

— Tencent Games (@TencentGames) August 2, 2022

យើងមិនទាន់ប្រាកដទេថាតើឧបករណ៍ហ្គេមមួយនេះ អាចនឹងបង្ហាញខ្លួនតាមកាលវិភាគដែលបានកំណត់ ឬ អត់ ប៉ុន្តែបើយើងនិយាយពីសេវាកម្ម Cloud Gaming វានឹងមិនតម្រូវឱ្យមានលក្ខណៈសម្បត្តិ Hardware អ្វីច្រើនសម្រាប់លេងនោះទេ ដោយឥឡូវនេះ អ្នកក៏អាចលេងប្រភេទ Cloud Gaming នៅក្នុងទូរស័ព្ទរបស់អ្នកផ្ទាល់បានផងដែរ៕

ប្រភព៖ Engadget