ទូរស័ព្ទ Oppo K10 5G របស់ប្រទេសឥណ្ឌានឹងបំពាក់មកជាមួយបន្ទះឈីប Dimensity 810 SoC ជំនួសឱ្យបន្ទះឈីប Dimensity 8000 Max

ព័ត៌មានថ្មីៗ Leakhena 0 Comments

ក្រុមហ៊ុន Oppo នឹងដាក់បង្ហាញទូរស័ព្ទ Oppo ម៉ូដែល K10 5G នៅក្នុងប្រទេសឥណ្ឌា នាថ្ងៃទី 8 ខែមិថុនា ខាងមុខនេះ ប៉ុន្តែវាគឺជាម៉ូដែលដែលខុសពីម៉ូដែលដែលធ្លាប់បានដាក់បញ្ចេញនៅក្នុងប្រទេសចិនកាលពីលើកមុន ដោយវានឹងបំពាក់មកជាមួយបន្ទះឈីប Dimensity 810 SoC ជំនួសឱ្យបន្ទះឈីប Dimensity 8000 Max ដែលធ្លាប់ចេញនៅក្នុងប្រទេសចិន។

ទូរស័ព្ទ Oppo K10 5G នៅក្នុងប្រទេសឥណ្ឌា មានការរចនារូបរាងបែបសំប៉ែត ដែលមានកាមេរ៉ាខាងក្រោមចំនួនពីរគ្រាប់ និងមានកាមេរ៉ាខាងមុខមួយគ្រាប់ ដែលជាកាមេរ៉ាមានការរចនាបែបតំណក់ទឹក មិនមែនជាកាមេរ៉ាទម្លុះអេក្រង់ដូចម៉ូដែលរបស់ប្រទេសចិននោះទេ។

ក្រុមហ៊ុន Oppo មិនបានបង្ហាញពីលក្ខណៈសម្បត្តិផ្សេងទៀតរបស់ទូរស័ព្ទត្រកូល K10 5G ឥណ្ឌានេះនោះទេ ប៉ុន្តែអ្វីដែលយើងអាចដឹងបាននោះគឺទូរស័ព្ទមួយនេះនឹងនាំមកជាមួយជម្រើសពណ៌ចំនួនពីរប្រភេទដែលមាន ពណ៌ខ្មៅ និងពណ៌ខៀវ។

ព្រឹត្តិការណ៍នៃការដាក់បង្ហាញទូរស័ព្ទ Oppo K10 5G នៅសល់តែរយៈពេលពីរថ្ងៃទៀតប៉ុណ្ណោះ ដូចនេះយើងមានតែត្រូវរង់ចាំរហូតដល់ថ្ងៃនោះ ឬ អាចថាក្រុមហ៊ុន Oppo នឹងបញ្ចេញព័ត៌មានខ្លះៗមួយចំនួនបន្ថែមទៀត ចំពោះទូរស័ព្ទដៃមួយនេះ៕


ប្រភព៖ GSMArena

អត្ថបទទាក់ទង

Post a Comment

To Top