NFTs នឹងមកដល់កម្មវិធី Instagram ក្នុងសប្តាហ៍នេះ

ដូចដែលបានសន្យាកាលពីខែមីនា កន្លងទៅ (ចុចលើតំណភ្ជាប់មួយនេះ ដើម្បីអានអត្ថបទទាក់ទង) NFTs នឹងកាន់តែខិតជិតមកដល់កម្មវិធី Instagram មែនទែនហើយ។ នាយកប្រតិបត្តិរបស់ក្រុមហ៊ុន Meta លោក Mark Zuckerberg បាននិយាយថា ក្រុមហ៊ុននឹងដាក់ឱ្យសាកល្បងនូវមុខងារ non-fungible tokens (NFTs) នៅលើ Profile របស់អ្នកប្រើប្រាស់នាសប្តាហ៍នេះ។

Mark Zuckerberg just announced that we’re testing digital collectibles for creators and collectors to showcase NFTs on Instagram. NFTs allow creators to take control over their work, fanbase and income. Oh and they ✨shimmer✨https://t.co/gwCW0CiR3M pic.twitter.com/wraSdWvgLf

— Meta Newsroom (@MetaNewsroom) May 9, 2022

បន្ថែមពីនេះ បើយោងតាមការបង្ហោះរបស់លោក Mark Zuckerberg នៅក្នុងកម្មវិធីបណ្តាញសង្គម Facebook បានឱ្យដឹងថា “យើងកំពុងតែបង្កើត ក៏ដូចជាធ្វើការជាមួយនឹង NFTs ដោយមិនត្រឹមតែនៅក្នុងពិភពពិតនិម្មិត Metaverse និង Reality Labs របស់យើងប៉ុណ្ណោះនោះទេ ដោយវាក៏នឹងគ្រប់ដណ្តប់ទៅលើកម្មវិធីទាំងអស់របស់យើងផងដែរ”។

លោក Mark Zuckerberg បានបន្ថែមថា “យើងកំពុងតែសាកល្បងការប្រមូលប្រភេទ Digital Collectibles នៅក្នុងកម្មវិធី Instagram ដូចនេះអ្នកបង្កើត (Creators) និងអ្នកប្រមូល (Collectors) អាចដាក់បង្ហាញសមិទ្ធផល ឬស្នាដៃ NFTs របស់ពួកគេបាន”។

បើយោងតាមការបង្ហើបខាងលើមានន័យថា NFTs នឹងមិនមានសម្រាប់តែនៅក្នុងកម្មវិធី Instagram ប៉ុណ្ណោះទេ ដោយនាថ្ងៃមុខ NFTs នឹងមានលើគ្រប់កម្មវិធីទាំងអស់របស់ក្រុមហ៊ុន Meta ប៉ុន្តែនាពេលឥឡូវនេះ យើងអាចធ្វើការតេស្តសាកល្បងនូវមុខងារថ្មីនេះបាននៅក្នុងកម្មវិធី Instagram ដែលក្រុមហ៊ុន Meta នឹងបញ្ចេញវានាសប្តាហ៍នេះ៕

ប្រភព÷ Engadget