ឥឡូវនេះ Google Play Games ជំនាន់សាកល្បងត្រូវបានអនុញ្ញាតឱ្យប្រើនៅក្នុង Galaxy Books មួយចំនួនហើយ

បើសិនជាអ្នកបានតាមដានអំពីក្រុមហ៊ុន Google អ្នកប្រាកដជាដឹងហើយថាក្រុមហ៊ុនមួយនេះបានព្យាយាមនាំយក Google Play Games ដែលជាសេវាកម្មដែលផ្តល់ការលេងហ្គេមនៅលើទូរស័ព្ទ ទៅកាន់ប្រព័ន្ធប្រតិបត្តិការ Windows នៅក្នុងកំព្យូទ័រ (ចុចលើតំណភ្ជាប់ទី១ និងទី២ សម្រាប់អានអត្ថបទទាក់ទង)។ ប៉ុន្តែសេវាកម្មមួយនេះ ពុំទាន់មានភាពទូលំទូលាយនៅក្នុងការប្រើប្រាស់នៅឡើយនោះទេ។

ក្រុមហ៊ុន Google បានធ្វើការសន្យាថា ពួកគេនឹងផ្តល់ជូន ក៏ដូចជានឹងនាំយកកម្មវិធីនៅក្នុងប្រព័ន្ធប្រតិបត្តិការ Android ទៅកាន់ប្រព័ន្ធប្រតិបត្តិការ Windows ហើយឥឡូវនេះ ក្រុមហ៊ុន Google កំពុងធ្វើការនៅលើការនាំយកសេវាកម្ម Google Play Games ជំនាន់សាកល្បងទៅកាន់ប្រព័ន្ធប្រតិបត្តិការ Windows ជាបណ្តើរៗហើយ។

បន្ថែមពីនេះ ក្រុមហ៊ុន Google បាននឹងកំពុងព្យាយាមផ្ញើលិខិតអញ្ជើញទៅកាន់ម្ចាស់ Samsung Galaxy Book នៅក្នុងទីក្រុងហុងកុង ប្រទេសកូរ៉េខាងត្បូង និងកោះតៃវ៉ាន់ ដើម្បីឱ្យពួកគេធ្វើការសាកល្បងទៅលើមុខងារជំនាន់សាកល្បងថ្មីមួយនេះ។

The beta for Google Play Games for PC is now available! Google announced the beta test in January for three markets (Hong Kong, South Korea, and Taiwan), and I'm told it recently went live.

Here's a video showing the PC client, courtesy of @BakaChocolate. pic.twitter.com/KBQo0XF4BT

— Mishaal Rahman (@MishaalRahman) March 13, 2022

តាមរយៈផុសនៅក្នុងកម្មវិធីបណ្តាញសង្គម Twitter ខាងលើបានបង្ហាញយើងពីចំណុចប្រទាក់របស់ Google Play Games នៅក្នុងប្រព័ន្ធប្រតិបត្តិការ Windows រួមជាមួយនឹងចំណងជើងហ្គេមមួយចំនួនដែលអាចគាំទ្រជាមួយនឹងសេវាកម្មជំនាន់សាកល្បងនេះបាន ប៉ុន្តែមិនមានគ្រប់ហ្គេម ឬកម្មវិធីទាំងអស់នោះទេ។ ក្រុមហ៊ុន Google អាចនឹងព្យាយាមនាំយកហ្គេមល្បីៗមកជាមុនសិន និងបន្ទាប់ពីនេះ ពួកគេអាចនឹងព្យាយាមនាំយកហ្គេម ឬកម្មវិធីផ្សេងទៀតមកតាមក្រោយ។

ក្រុមហ៊ុន Google ក៏បានបង្ហាញពីលក្ខណៈសម្បត្តិរបស់ឧបករណ៍ ឬកុំព្យូទ័រ Windows ដែលអាចប្រើប្រាស់សេវាកម្ម Google Play Games មួយនេះផងដែរ ដោយឧបករណ៍ ឬកុំព្យូទ័រទាំងអស់នោះតម្រូវឱ្យប្រើប្រាស់ប្រព័ន្ធប្រតិបត្តិការ Windows 10 និងមានប្រភេទអង្គផ្ទុកទិន្នន័យជា SSD និងមានទំហំចាប់ពី 20GB ឡើងទៅ៕

ប្រភព÷ GSMArena