ក្រុមហ៊ុន Spotify បានសហការជាមួយនឹងក្រុមហ៊ុន Netflix ដើម្បីបើកដំណើរការ Netflix Hub នៅក្នុងកម្មវិធី Spotify!!

កាលពីថ្ងៃម្សិលមិញនេះ ក្រុមហ៊ុនក៏ដូចជាកម្មវិធីចម្រៀងលំដាប់ពិភពលោក “Spotify” បានប្រកាសជាផ្លូវការថា ខ្លួនកំពុងតែសហការជាមួយនឹងក្រុមហ៊ុន Netflix ដើម្បីបើកដំណើរការ Netflix Hub (ដែលអាចមានន័យថា ជាគណនី ឬកញ្ចប់ចម្រៀង Soundtrack ពីក្នុងខ្សែភាពយន្តដែលមាននៅក្នុងកម្មវិធី Netflix មកដាក់បញ្ចូលនៅក្នុងកម្មវិធីចម្រៀង Spotify) នៅក្នុងសេវាកម្មកម្មវិធីរបស់ខ្លួន។ Netflix Hub នេះអនុញ្ញាតឱ្យអ្នកប្រើប្រាស់ អាចចូលទៅកាន់កញ្ចប់មួយនេះបាន ទាំងកម្មវិធី Spotify នៅក្នុងទូរស័ព្ទដៃ និងតាមរយ:គេហទ័ព័រ របស់ Spotify ផ្ទាល់។

សេវាកម្មមួយនេះនឹងផ្តល់ជូនផ្តាច់មុខនូវចម្រៀងនៅក្នុងរឿង (Soundtrack) ដែលមានដូចជានៅក្នុងរឿងភាគដែលកំពុងតែល្បី “Squid Game” ខ្សែភាពយន្តដែលមានលក្ខណៈពិសេសនិងល្អមើល 'Tick, Tick... Boom!' ក៏ដូចជាបញ្ជីចម្រៀងដែលមានអាជ្ញាប័ណ្ណ (license) ទាំងអស់នៅក្នុងរឿង “Money Heist” និង “Bridgerton”។

Netflix Hub ក៏មានរួមបញ្ចូលជាមូយនឹង Podcast របស់ Netflix ផ្ទាល់ផងដែរ ដែលមានចំណងជើងដូចជា “Netflix Is A Daily Joke” និង “The Crown: The Official Podcast”។ 

សម្រាប់ Netflix Hub ថ្មីនេះនឹងផ្តល់ជូនសម្រាប់តែអ្នកប្រើប្រាស់ដែលរស់នៅក្នុងប្រទេសអាមេរិក កាណាដា អូស្ត្រាលី នូវែលសេឡង់ ចក្រភពអង់គ្លេស អៀរឡង់ និងប្រទេសឥណ្ឌាតែប៉ុណ្ណោះ៕